U sieradu z 12:00 u Minsku ŭvodzicca zabarona na prodaž ałkaholu
U suviazi z praviadzieńniem 30 maja ŭračystych mierapryjemstvaŭ va ŭstanovach adukacyi horada, pryśviečanych zakančeńniu 2011/2012 navučalnaha hoda, Minharvykankam pryniaŭ rašeńnie abmiežavać realizacyju piva i słabaałkaholnych napojaŭ z abjomnaj dolaj etyłavaha śpirtu nie bolš za 7% u roźničnaj handlovaj sietcy (za vyniatkam abjektaŭ hramadskaha charčavańnia) z 12:00 da 23:00.U dzień vypusknych viečaroŭ padobnyja abmiežavańni buduć dziejničać z 15:00 9 červienia da 8:00 10 červienia.
Što tyčycca prodažu ałkaholu macunkam zvyš 7%,
to ŭ staličnych uładaŭ niama paŭnamoctvaŭ abmiažoŭvać jaho realizacyju.Adnak u adras arhanizacyj handlu nakiravanyja prośby, kab taksama ŭvieści časovuju zabaronu na prodaž takich napojaŭ z 12:00 30 maja. Dośvied minułych hadoŭ pakazvaje, što absalutnaja bolšaść kram prysłuchoŭvajecca da hetych listoŭ.
Nahadajem, apošni zvanok prahučyć 30 maja dla 20,3 tys. minskich vypusknikoŭ
U kamitecie pa adukacyi adnosna farmatu abaviazkovaj častki vypusknych — sustrečy śvitańnia, zaznačajuć: «Śvitanak nieabchodna sustrakać centralizavana, sumiesna z baćkami. Bo havorka idzie pra biaśpieku dziaciej».