Adamkusa lačyli ad raku novym sposabam

Šlacham zamarožvańnia.

Eks-prezident Litvy Vałdas Adamkus u suviazi sa źmianieńniami ŭ nyrcy prachodziŭ kurs lačeńnia ŭ ZŠA. Adamkus u intervju kanału Lietuvos ryto televizija raskazaŭ, što byŭ padvierhnuty najsučaśniejšamu mietadu lačeńnia šlacham zamarožvańnia.

U Litvie pakul tolki robiacca sproby vykarystańnia hetaha mietadu dla lačeńnia raka prastaty i nyrak.

Eks-prezident śćviardžaje, što paśla lačeńnia chutka adnaviŭsia i znoŭ uklučyŭsia ŭ pracu ŭ Litvie.

Źmianieńni ŭ nyrcy palityka byli vyjaŭlenyja padčas čarhovaj pravierki zdaroŭja ŭ Vilni.

«My źviarnuli ŭvahu na toje, što ŭ levaj nyrcy nazirajucca strukturnyja źmianieńni. My padtrymali mierkavańnie eks-prezidenta, što pa hetym pytańni treba vysłuchać mierkavańnie amierykanskich kalehaŭ. Jak viadoma, eks-prezident naviedaŭ adnu z klinik ZŠA. Tam była praviedzienaja kampjutarnaja tamahrafija. My jamu dali dadzienyja svaich daśledavańniaŭ. Našy vysnovy supali z vysnovami kalehaŭ, i prablema była vyrašanaja», — skazaŭ doktar Adamkusa Remihijus Narhieła.

«Ja skarystaŭsia svaimi mahčymaściami pravieryć u ZŠA zdaroŭje ŭ takim miescy, jak univiersiteckaja balnica Nord Western, dzie vykarystoŭvajecca samaja sučasnaja technika. Vyniki analizaŭ byli vielmi dobrymi. Ja tam pravioŭ 4 tydni. Z vami ja nie tolki enierhična razmaŭlaju, ale i imknusia ŭvajści ŭ rucinu, ruchacca, na rovary katacca i hetak dalej. Adčuvaju siabie vydatna, poŭny sił i enierhii», — skazaŭ Vałdas Adamkus.

Adamkus pra svajo zdaroŭje i zdaroŭje žonki Almy Adamkienie raskazaŭ i ŭ niadaŭna vypuščanaj knizie.

Kamientary da artykuła