Staršynia Fiederacyi chakieja padaŭ u adstaŭku
Staršynia Fiederacyi chakieja Biełarusi Jaŭhien Vorsin paprasiŭ vykankam pryniać jaho adstaŭku. Z takoj zajavaj Vorsin vystupiŭ 30 maja ŭ Minsku na vynikovym pasiadžeńni vykankama FCHRB.
Taksama na pasiadžeńni pamočnik prezidenta pa pytańniach raźvićcia sportu Ihar Zaičkaŭ prapanavaŭ vyzvalić ad pasady hienieralnaha mieniedžara zbornaj Biełarusi pa chakiei Uładzimira Safonava.
«Adkaznaść pavinna być piersanalnaj. Usie niaŭdačy zbornaj i fiederacyi ja adnošu da siabie. Kali vyniku niama, značyć dapuščana pamyłka», — skazaŭ Vorsin pierad prapanovaj ab pryniaćci jaho adstaŭki.
Vykankam pryznaŭ pracu fiederacyi i vystupleńnie zbornaj na čempijanacie śvietu niezdavalniajučymi.
Nie mahu zrazumieć, čamu pamočniki abo hienieralny mieniedžar nie padkazali Kary Chiejkilu (hałoŭny trenier biełaruskaj zbornaj), jaki pracuje sa zbornaj tolki pieršy hod. Takoha ŭ prafiesijnym chakiei być nie pavinna. Tezis ab tym, što ŭ niaŭdačach vinavaty hałoŭny trenier, — heta ŭčarašni dzień», — zajaviŭ ministr sportu i turyzmu Aleh Kačan.«Na padrychtoŭku i ŭdzieł zbornaj na čempijanacie śvietu pa linii Minsportu było zatračana bolš čym 2,7 młrd. rubloŭ, a vyniku niama.