Madonna prajedzie mima Biełarusi

Učora startavała hrandyjoznaje suśvietnaje turne viadomaj amierykanskaj śpiavački, jakoje projdzie pa 68 haradach.

U pačatku hastrolnaha suśvietnaha turne MDNA, jakoje Madonna pačała kancertam u Izraili 31 maja, jana pažadała Blizkamu Uschodu miru. U chodzie dvuchhadzinnaha vystupu na stadyjonie ŭ Ramat-Haniepop-dziva vykonvała pieśni sa svajho apošniaha alboma, a taksama niekatoryja staryja chity. Prykładna ŭ siaredzinie šykoŭnaha šou jana zajaviła prysutnym 30 tysiačam hledačam,

što «kali na Blizkim Uschodzie budzie mir, to mir moža zapanavać va ŭsim śviecie»,

Turne Madonny budzie doŭžycca da śniežnia, jana płanuje vystupić u 68 haradach śvietu, u tym liku ŭ 28 jeŭrapiejskich. Voś tolki Minsk Madonna abminie.

1 žniŭnia jana vystupić u Varšavie, 4 žniŭnia ŭ Kijevie, 7 žniŭnia ŭ Maskvie, 9-ha ŭ Pieciarburhu.

«Ja vyrašyła pačać svajo suśvietnaje turne ŭ Izraili z adnoj važnaj metaj, — zajaviła śpiavačka. — Vy viedajecie, usie kanflikty, jakija adbyvalisia na Blizkim Uschodzie na praciahu tysiačahodździaŭ — usie jany pavinny spynicca». «Kali ŭsie my zmožam padniacca nad saboj, svaimi tytułami, adroźnieńniami krain i relihij, kali my budziem stavicca da navakolnych nas ludziej z pavahaj, to my vyjdziem na darohu, jakaja viadzie da miru», — dadała jana.

3 i 4 červienia Madonna daść kancerty ŭ Abu-Dabi (AAE). U kancy žniŭnia pačniecca turne pa Paŭnočnaj Amierycy, a z 24 listapada — pa Paŭdniovaj.

Darečy Lady Gaga taksama vystupić u susiednich krainach, ale nie pryjedzie ŭ Minsk. Kancerty projduć 21 žniŭnia ŭ Vilni, 23-ha ŭ Ryzie, 25-ha — u Talinie.

Kamientary da artykuła