Pamior Eduard Chil
Śpievaku było 77 hadoŭ.
Narodny artyst RSFSR Eduard Chil pamior u Sankt-Pieciarburhu na 78-m hodzie žyćcia, paviedamlaje RIA «Naviny» sa spasyłkaj na supracoŭnika NDI imia Palenava, dzie śpiavak apošnija dni znachodziŭsia ŭ reanimacyi.
«Chil pamior u 01:35 u noč na paniadziełak», - skazaŭ surazmoŭca ahienctva. U pačatku krasavika Eduard Chil pieranios insult i byŭ dastaŭleny ŭ Maryinskuju balnicu. Da 23 maja jon atrymlivaŭ miedycynskuju dapamohu ŭ hetaj balnicy, paśla čaho jaho pieraviali ŭ NDI imia Palenava. Uvieś hety čas stan Chila zastavałasia vielmi ciažkim. U ŚMI infarmacyja ab chvarobie śpievaka šyroka raspaŭsiudziłasia tolki ŭ apošnija dni maja.
Eduard Chil naradziŭsia 4 vieraśnia 1934. U jaho repiertuary byli takija viadomyja pieśni, jak «Pieśnia o druhie», «S čieho načinajetsia Rodina», «Kak provožajut parochody», «U lesa na opuškie...», «Na biezymiannoj vysotie».
U 2010 hodzie Eduard Chil niečakana pieražyŭ ŭsplosk papularnaści ŭ Internecie dziakujučy pieśni, jakuju jon upieršyniu vykanaŭ jašče 50 hadoŭ tamu- vakaliz «Ja vielmi rady, bo ja narešcie viartajusia dadomu», u jakoj niama nivodnaha słova. Anhłamoŭnaja aŭdytoryja vyłučyła z hetaha vakaliz prypieŭ «Tro-ło-do" i nadzialiła Eduarda Chila mianuškaj Mr. Trololo, pad jakoj jon i staŭ papularny na Zachadzie.