Martynaŭ naviedaje Indanieziju i Łaos

Ministr zamiežnych spraŭ Biełarusi Siarhiej Martynaŭ naviedaje z aficyjnym vizitam Indanieziju i Łaos, paviedamiŭ 7 červienia na bryfinhu pres-sakratar MZS Andrej Savinych.

11–13 červienia kiraŭnik biełaruskaha źniešniepalityčnaha viedamstva budzie znachodzicca ŭ Indaniezii. U Džakarcie zapłanavany sustrečy z prezidentam, ministram zamiežnych spraŭ, śpikieram indaniezijskaha parłamienta, ministrami abarony, handlu, adukacyi, daśledavańniaŭ i technałohij. Budzie abmierkavany ŭvieś śpiektr pytańniaŭ biełaruska-indaniezijskich adnosinaŭ, paviedamiŭ Savinych.

Pavodle jaho słoŭ, Martynaŭ taksama sustreniecca sa staršynioj handlova-pramysłovaj pałaty Indaniezii «dla abmierkavańnia aktualnych kirunkaŭ handlova-ekanamičnaha ŭzajemadziejańnia».

Płanujecca praviadzieńnie dvuchbakovaj sustrečy z hienieralnym sakratarom Asacyjacyi dziaržaŭ Paŭdniova-Uschodniaj Azii, padčas jakoj buduć abmierkavany pierśpiektyvy pašyreńnia supracoŭnictva Biełarusi z hetaj arhanizacyjaj.

Ministry zamiežnych spraŭ padpišuć miemarandum ab uzajemarazumieńni i dvuchbakovych kansultacyjach źniešniepalityčnych viedamstvaŭ.

13–15 červienia Martynaŭ naviedaje Łaos. Padčas vizitu zapłanavany sustrečy z prezidentam hetaj krainy, ministrami zamiežnych spraŭ, pramysłovaści i handlu, navuki i technałohij dla abmierkavańnia pytańniaŭ palityčnaha, handlova-ekanamičnaha i navukova-techničnaha supracoŭnictva.

Kamientary da artykuła