U Hrodnie buduć sudzić pravasłaŭnaha śviatara
Za admovu ad daktyłaskapii. Sud adbudziecca 12 červienia.
Ajciec Mikałaj Hajduk.
12 červienia a 14-j u sudździe Leninskaha rajona Hrodna (Davatara, 2/1) pačniecca praces pa spravie śviatara Śviata-Pradciečanskaj carkvy ijareja Mikałaja Hajduka, paviedamlaje sajt Hrodzienskaj japarchii.
Śviatara vinavaciać u «niepadparadkavańni zakonnamu rasparadžeńniu ci patrabavańniu słužbovaj asoby pry vykanańni im słužbovych paŭnamoctvaŭ». Jon admoviŭsia prachodzić abaviazkovuju daktyłaskapičnuju rehistracyju.
Sajt japarchii śćviardžaje, što ŭčastkovy inśpiektar nie zmoh asabista sustrecca z a. Mikałajem i skłaści pratakoł u prysutnaści śviedak, a tamu pajšoŭ na padrobku — skłaŭ pratakoł biez prysutnaści fihuranta spravy, a śviedkam pakazaŭ siabie i jašče adnaho supracoŭnika milicyi.
Mikałaj Hajduk — treci śviatar Hrodzienskaja japarchii, u adnosinach jakoha raspačaty adminitracyjny praces za admovu ad daktyłaskapii.