Asanž paprasiŭ palityčny prytułak u Ekvadora
Zasnavalnik WikiLeaks Džulijan Asanž paprasiŭ palityčny prytułak u pasolstvie Ekvadora ŭ Łondanie. Pra heta havorycca na aficyjnaj staroncy arhanizacyi ŭ Facebook.
Na minułym tydni Viarchoŭny sud Vialikabrytanii adchiliŭ pazoŭ advakataŭ Asanža pra adnaŭleńnie razhladu spravy ab jaho ekstradycyi ŭ Šviecyju. Takim čynam, Asanž vyčarpaŭ usie zakonnyja sposaby, jakija mahli by dazvolić jamu paźbiehnuć vysyłki. 30 maja Viarchoŭny sud Vialikabrytanii paćvierdziŭ rašeńnie ab jaho ekstradycyi.
U vypadku ekstradycyi Šviecyja, mahčyma, vydaść Asanža ZŠA, dzie jon abvinavačvajecca ŭ špijanažy. Sam Asanž nieadnarazova zajaŭlaŭ, što ŭ ZŠA jaho mohuć zabić.