Rasijcy hatovyja handlavacca za biełaruski MTS

«Kupla mahčymaja tolki kali košt źmienšycca ŭ razy».

Rasijskaja karparacyja «Sistema», jakoj naležać akcyi rasijskaha apieratara MTS, zachoŭvaje cikavaść da vykupu dziaržaŭnaha pakietu ŭ biełaruskim apieratary MTS, ale pojdzie na ździełku tolki pry istotnym panižeńni koštu aktyvu.

«My pa-raniejšamu chočam jaje vykupić, ale taja cana, jakuju ahučyli biełaruskija ŭłady, nas kateharyčna nie zadavalniaje», — zajaviŭ prezident AFK Michaił Šamolin. «Našy čakańni pa košcie značna nižejšyja, ja b nie staŭ nazyvać acenku, ale jana ŭ razy mienš», — adznačyŭ jon.

Raniej biełaruskija ŭłady acanili 51%-nuju dolu apieratara ŭ $1 miljard.

Zasnavalnikami biełaruskaha MTS źjaŭlajucca RUP «Biełtelekam» z dolaj 51% i rasijskaje AAT «MTS» z 49%.

Kamientary da artykuła