Biada! U Biełarusi niama zruchaŭ u stvareńni nacyjanalnaha marskoha fłotu

Pra heta paviedamiŭ namieśnik načalnika ŭpraŭleńnia marskoha i račnoha transpartu Ministerstva transpartu i kamunikacyj Andrej Čarnobylec 26 červienia na pres-kanfierencyi ŭ Minsku.

Pavodle jaho słoŭ, pra hatoŭnaść inviestavać u stvareńnie nacyjanalnaha fłotu zajaŭlała stvoranaja ŭ 2010 hodzie pieršaja ŭ krainie marskaja sudnabudaŭničaja kampanija «Biełmarfłot», asnoŭnym zasnavalnikam jakoj vystupiła Zepter group. Adnak na siońnia jakich-niebudź «surjoznych zruchaŭ» pa stvareńni nacyjanalnaha fłotu z boku «Biełmarfłotu» nie adbyłosia. Kampanija pracuje tolki ŭ śfiery frachtavańnia sudoŭ dla pieravozki biełaruskich hruzaŭ.

Čarnobylec ličyć, što praryvu ŭ stvareńni nacyjanalnaha fłotu z boku hetaj kampanii pakul nie čakajecca. Pavodle jaho słoŭ, usie iduć nasustrač kampanii «Biełmarfłot», dla jaje stvorany ŭsie ŭmovy, adnak u jaje zasnavalnika, Zepter group, «chutčej za ŭsio, niejkija ŭnutranyja prablemy».

Pavodle słoŭ śpiecyjalista, u cełym u Biełarusi ciapier «dosyć aktyŭna» abmiarkoŭvajecca mahčymaść stvareńnia nacyjanalnaha marskoha fłotu, hetym kirunkam cikaviacca inviestary. Ukazam prezidenta zamacavana ahulnasuśvietnaja praktyka ŭ častcy padatkaabkładańnia hetaha vidu dziejnaści i prefierencyi dla biełaruskich sudnaŭładalnikaŭ.

Kamientary da artykuła