Rasijskaja intelihiencyja zastupajecca za aŭtarak pieśni «Baharodzica, Pucina prahani!»

Dziavočy pank-hurt Pussy Riot aryštavany za «chulihanstva».

Bolš za sto rasijskich dziejačaŭ kultury i mastactva padpisali zvarot u abaronu aryštavanych udzielnic pank-hurtu Pussy Riot. Zvarot pieradadzieny ŭ Viarchoŭny sud RF i Masharsud.

U zvarocie, raźmieščanym siońnia na sajtach niekalkich rasijskich ŚMI, havorycca, što, pa-roznamu aceńvajučy maralna-etyčny bok dziejańniaŭ Pussy Riot, jaho aŭtary nie ličać hetyja dziejańni kryminalnym złačynstvam. Na dumku padpisantaŭ zvarotu, pieraśled udzielnic hurtu spryjaje narastańniu napružanaści i nieciarpimaści ŭ hramadstvie, a ich aryšt źjaŭlajecca całkam biessensoŭnym.

U dakumiencie ŭtrymlivajecca patrabavańnie vyzvalić Nadzieju Tałakońnikavu, Maryju Alochinu i Kaciarynu Samucevič, jakim vystaŭlenaje abvinavačańnie ŭ chulihanstvie — paśla tak zvanaha pank-nabaženstva ŭ Chramie Chrysta Zbaŭcy.

Zvarot padpisali Aleh Basiłašvili, Čułpan Chamatava, Eldar Razanaŭ, Alaksiej Hierman, Siarhiej Jurski, Pavieł Čuchraj, Mark Zacharaŭ i inšyja viadomyja ludzi. Učora jon byŭ pieradadzieny ŭ Viarchoŭny sud Rasii i Masharsud. Na sajcie radyjo «Echo Moskvy» praciahvajecca zbor podpisaŭ pad dakumientam.

Kamientary da artykuła