Kandydat ad apazicyi pieramahaje na vybarach u Mieksicy

Kandydat ad apazicyjnaj Instytucyjna-revalucyjnaj partyi (PRI) sacyjał-demakratyčnaha kirunku Enrykie Pieńja Ńjeta pieramahaje na prezidenckich vybarach u Mieksicy, śviedčać papiarednija vyniki hałasavańnia.

45-hadovy Ńjeta, jakoha ahladalniki z samaha pačatku nazyvali favarytam honki, da hetaha momantu nabraŭ kala 38% hałasoŭ, apiaredžvajučy na ​​7% svajho hałoŭnaha kankurenta Andresa Manuela Łopiesa Abradora.

Partyja, jakuju jon pradstaŭlaje, kiravała ŭ krainie na praciahu 71 hoda, pakul nie prajhrała na vybarach 2000 hoda.

«Majoj hałoŭnaj zadačaj stanie baraćba ź biednaściu ŭ samym jaje zarodku», — zajaviŭ Enrykie Pieńja Ńjeta, u svaim apošnim vystupie pierad vybarami.

Ekanamičnaja situacyja ŭ krainie i baraćba z narkamafijaj — asnoŭnyja pytańni, jakija zapatrabujuć nieadkładnaj uvahi novaha lidara, chto b im ni staŭ.

Tysiačy palicyjantaŭ achoŭvali ŭ niadzielu vybarčyja ŭčastki pa ŭsioj Mieksicy ad mahčymych napadaŭ z boku členaŭ narkakartelaŭ.

Adnak aficyjnyja krynicy paviedamlajuć, što ŭ asnoŭnym hałasavańnie prajšło biez ekscesaŭ.

Kamientary da artykuła