Zakon ab rasiejskaj: Śpikier Viarchoŭnaj rady Ukrainy padaŭ u adstaŭku
Śpikier Viarchoŭnaj Rady Uładzimir Litvin paprasiŭ deputataŭ pryniać jaho adstaŭku. Pra heta jon zajaviŭ padčas pasiadžeńnia Viarchoŭnaj Rady.
Heta vyklikała apładysmienty ŭ zale. Paśla čaho Litvin pajšoŭ z zały.
Taksama Litvin zajaviŭ, što jaho padstavili, a čałaviek, jaki heta zrabiŭ, źjaŭlajecca jaho namieśnikam. Padobna na toje, što staršynia VR namiaknuŭ na Adama Martyniuka.
Na bryfinhu pra svaju adstaŭku zajaviŭ taksama vice-śpikier Mikałaj Tamienka.
Nahadajem, što ŭčora Viarchoŭnaja Rada Ukrainy na svaim pasiadžeńni 248 hałasami ŭchvaliła ŭ druhim čytańni zakon pra status rasiejskaj movy, uniesieny deputatami ad uradavaj Partyi rehijonaŭ. Pavodle dakumienta rasiejskaja mova atrymaje status rehijanalnaj tam, dzie jana źjaŭlajecca rodnaj minimum dla 10% nasielnictva.
Ciapier zakonaprajekt jašče maje padpisać prezident Ukrainy Viktar Janukovič. Apazicyja vystupała suprać pryniaćcia hetaha zakona.