Art-vandalizm: tvorym, što chočam

9.07.2012 / 13:21

Fota: Siarhiej Hudzilin

Andehraŭndnaja hrupoŭka stryt-art-vandałaŭ «43T» nie pakidaje žyvoha miesca na pafarbavanych fasadach u Žodzinie.

Užo bolš za hod ananimnaja hrupoŭka vuličnych mastakoŭ «43T» teraryzuje čystyja fasady Žodzina. Šmatlikija kremzanyja podpisy vidać nie tolki ŭ haražnych masivach, ale i na centralnych vulicach horada aŭtazavodcaŭ. Časta jany pravakacyjnyja, časam -- niecenzurnyja. U 90-ja heta adnaznačna nazyvali b — chulihanstva, a siońnia taki vandalizm ličycca jašče i adnym ź vidaŭ stryt-artu.

Najvierahodniej, što

hrupoŭka nazvałasia «43T» u honar ekskluziŭnaha savieckaha tanka časoŭ druhoj suśvietnaj vajny

(było zroblena ŭsiaho 3 mašyny). Takaja ž madel jość i ŭ suśvietnaj hulni World Of Tanks. Google, praŭda, pa takim zapycie padkazaŭ jašče rasiejskuju madel prasa…

Mastaki z «43T» dla hutarki sustrecca nie pažadali. Karotki kamientar udałosia atrymać tolki praz adzin papularny internet-messenger.

43T: «My nie piersanalizujem svaju tvorčaść i nie žadajem być publičnymi. Dyj

naša dziejnaść padpadaje pad šerah artykułaŭ kryminalnaha i administratyŭnaha kodeksaŭ.

I niejkim mastactvam heta nazvać ciažka. Heta takoje emacyjnaje „vitańnie“ z 90-ch, kali ledź nie ŭsie publičnyja miescy byli razmalavanyja niezrazumieła jakimi słovami. Tolki ŭ nas hetyja pasyły bolš radykalnyja i sučasnyja. Časam heta źviazana z palitykaj. Časam prosta z navakolnym asiarodździem i jaho prablemami ci tendencyjami. Usio vielmi impulsiŭna i niesistemna.

Heta taki naš vuličny dyjałoh katehoryjami radykalizmu, palityki, supracivu sistemie. Taki naturalny vandalizm.

I my razumiejem, što zakon heta razhladaje niehatyŭna. Dla nas ža vandalizm — katehoryja mastactva.

Nadpisy žyvuć niadoŭha — niejkija bolš, niejkija mienš. U centry horada zamaleŭvajucca chutčej, na ŭskrajkach mohuć i hadami zachoŭvacca.

Ale ž usio časova… A zaŭtra pryjduć supracoŭniki ŽKH ci niejkija inšyja mastaki-hraficisty i zamalujuć našy nadpisy. I heta ŭžo budzie novy art-abjekt. A paślazaŭtra pryjdziem my i pakiniem tam svajo novaje paviedamleńnie».

Čytajcie taksama:

Kamientary da artykuła