Paŭtarahadovy chłopčyk patanuŭ u kanalizacyjnaj jamie
Mama pryviała jaho z saboj na fiermu.
U Buda-Kašaloŭskim rajonie paŭtarahadovy chłopčyk patanuŭ u kanalizacyjnaj jamie, što znachodzicca kala budynka cialatnika małočna-tavarnaj fiermy sielskahaspadarčaha pradpryjemstva «Rohiń».
Jak paviedamili ŭ adździele Śledčaha kamiteta pa Buda-Kašaloŭskim rajonie, trahiedyja zdaryłasia 6 lipienia ŭ 20.00. Supracoŭnica fiermy pryjšła na pracu z dvuma dziećmi — troch i paŭtara hadoŭ. Pakul žančyna paiła ciala, starejšaje dzicia znachodziłasia kala jaje, a paŭtarahadovy chłopčyje nieŭzamietku adyšoŭ i zvaliŭsia ŭ kanalizacyjnuju jamu.
Ściokavaja jama nie była abharodžana i znachodziłasia siarod vysokaj travy. Dzicia zachłynułasia.
Znajšoŭ jaho brat žančyny, adnak vyratavać chłopčyka nie ŭdałosia.
Śledčy kamitet pravodzić pravierku pa fakcie hibieli dziciaci.
Čytajcie taksama:
Kamientary da artykuła