Biełaruś pacichu stareje
Za apošniaje dziesiacihodździe siaredniestatystyčny žychar Biełarusi pastaleŭ na 1,9 hoda (mužčyna — na 1,7 hoda, žančyna — na 2,1 hoda), paviedamiła
Jana adznačyła, što z 1990 hoda siaredni ŭzrost žycharoŭ našaj krainy pastupova pavialičvajecca.
Tak, ciapier siaredni ŭzrost nasielnictva Biełarusi — 39,7 hadoŭ. Pryčym hety pakazčyk u mužčyn — 36,9 hoda, u žančyn — 42,1 hoda.
Siaredni ŭzrost haradžanina — 38,3 hoda. Za apošniaje dziesiacihodździe haradski žychar pastaleŭ na 2,5 hoda. A siaredni ŭzrost sielskaha žychara składaje 44 hady i za apošniaje dziesiacihodździe viaskoviec pastaleŭ na 1,5 hoda.
Samy «małady» rehijon Biełarusi — horad Minsk, siaredni ŭzrost nasielnictva stalicy skłaŭ 38 hadoŭ. Samy «stary» rehijon — Viciebskaja vobłaść (41,1 hoda).
Čakanaja praciahłaść žyćcia pry naradžeńni ŭ 2011 hodzie skłała ŭ Biełarusi 70,6 hoda. «U Biełarusi nazirajecca roźnica ŭ čakanaj praciahłaści žyćcia pry naradžeńni pamiž mužčynami i žančynami (jana skłała ŭ minułym hodzie 12 hadoŭ), a taksama ŭ praciahłaści žyćcia haradskoha i sielskaha nasielnictva, — skazała Alena Kandracienka. — Praciahłaść žyćcia mužčyn i žančyn u haradach i pasiołkach haradskoha typu vyšejšaja, čym u sielskich nasielenych punktach: u mužčyn — na 6,1 hady, u žančyn — na 3,7 hoda».
Čakanaja praciahłaść žyćcia pry naradžeńni ŭ 2011 hodzie skłała ŭ Biełarusi ŭ mužčyn 64,7 hoda, u žančyn — 76,7 hoda. Hetyja pakazčyki, naprykład, u Rasii — adpaviedna 62,8 i 74,7, va Ukrainie — 65,2 i 75,3, u Łatvii — 68,8 i 78,4, u Litvie — 68 i 78,8, u Polščy — 72,1 i 80,6.
Dola starejučaha nasielnictva ŭ respublicy pradaŭžaje pavialičvacca. U adpaviednaści sa škałoj demahrafičnaha stareńnia AAN, nasielnictva ličycca maładym, kali dola ludziej va ŭzroście 65 hadoŭ i starejšych składaje mienš za 4%, na parozie staraści — ad 4% da 7%. A kali ž udzielnaja vaha asob va ŭzroście 65 hadoŭ i starejšych roŭnaja 7 pracentam i bolš, to nasielnictva ličycca starym.
Na pačatak hoda ŭ Biełarusi dola asob va ŭzroście 65 hadoŭ i starejšych składała 13,7%.
Statystyčny ahlad padrychtavany da Suśvietnaha dnia narodanasielnictva. Nahadajem, 11 lipienia 1987 hoda kolkaść žycharoŭ płaniety pieravysiła 5 młrd. Tamu mienavita adzinaccaty lipieński dzień byŭ vybrany dla śviatkavańnia Suśvietnaha dnia narodanasielnictva.-