U siamiejnych kanfliktach achviarami čaściej stanoviacca pažyłyja

Pa vynikach pieršaha paŭhodździa 2012 hoda ŭ Biełarusi nazirajecca źnižeńnie kolkaści złačynstvaŭ u śfiery siamiejna-bytavych adnosin.

Jak paviedamili ŭ MUS, na praciahu 2012 hoda kolkaść ciažkich i asabliva ciažkich złačynstvaŭ hetaha vidu skaraciłasia na 17,7% (sa 181 da 149), zabojstvaŭ z zamachami — na 25,9% (z 58 da 43), naŭmysnych pryčynieńniaŭ ciažkich cialesnych paškodžańniaŭ — na 13,8% (sa 123 da 106), naŭmysnych pryčynieńniaŭ mieniej ciažkich cialesnych paškodžańniaŭ — na 21,4% (z 42 da 33).

Z metaj papiaredžańnia bolš ciažkich złačynstvaŭ aktyŭna prymianiajucca miery previentyŭnaha charaktaru. U 2012 hodzie raspačaty 692 kryminalnyja spravy previentyŭnaj skiravanaści (u 2011 hodzie — 1.220), ź ich 185 (278) — za naŭmysnaje pryčynieńnie lohkich cialesnych paškodžańniaŭ, 162 (289) — za katavańnie i 345 (653) — za pahrozu zabojstvam, pryčynieńnie ciažkich cialesnych paškodžańniaŭ ci źniščeńnie majomaści.

Usio čaściej achviarami svaich svajakoŭ stanoviacca pažyłyja ludzi, jakija ŭ siłu ŭzrostu nie mohuć akazać supraciŭleńnie abo vymušany znachodzicca ŭ zaležnym stanoviščy.

Žančyny hadami žyvuć u strachu i źnievažańni. Cichi hvałt učyniajecca časam u siemjach, jakija majuć imidž dobraprystojnych. Pry stvareńni kanfliktnaj situacyi mužčynami ŭ bolšaści vypadkaŭ pakutujuć žančyny.

Uličvajučy łatentnaść złačynstvaŭ, jakija ŭčyniajucca ŭ śfiery siamiejna-bytavych adnosin, supracoŭniki milicyi nadajuć achviaram siamiejnaha hvałtu asobnuju ŭvahu, vykarystoŭvajučy roznyja formy i mietady vyjaŭleńnia takich faktaŭ.

Akramia isnych mier kryminalnaj ci administracyjnaj adkaznaści za prajavy žorstkaści i hvałtu, orhanami ŭnutranych spraŭ prymajucca miery pa rańnim vyjaŭleńni siamiejnaj niepaśpiachovaści.

U hetaj suviazi prafiłaktyčnuju pracu z asobami, schilnymi da ŭčynieńnia pravaparušeńniaŭ u śfiery siamiejna-bytavych adnosin, orhany ŭnutranych spraŭ ažyćciaŭlajuć u ciesnym uzajemadziejańni z usimi zacikaŭlenymi i hramadskaściu.

Niahledziačy na źnižeńnie pa vynikach šaści miesiacaŭ na 39% kolkaści złačynstvaŭ, učynienych u śfiery siamiejna-bytavych adnosin, u šerahu rehijonaŭ adznačajucca niehatyŭnyja tendencyi, źviazanyja z rostam asabliva ciažkich i ciažkich złačynstvaŭ. Najbolej niespryjalnaje stanovišča nazirajecca na terytoryi Hrodzienskaj, Minskaj i Mahiloŭskaj abłaściej.

Kamientary da artykuła