Turcyja začyniaje ŭsie KPP na miažy ź Siryjaj

Turecki ministr pa spravach handlu i mytni Chajaci Jazydžy ŭ sieradu zahadaŭ začynić usie kantrolna-prapusknyja punkty na miažy ź Siryjaj.

Na minułym tydni ŭzbrojenyja atrady siryjskaj apazicyi zachapili bujny pamiežny post na miažy z Turcyjaj, ale paśla pakinuli jaho.

Pavodle AAN, na terytoryi Turcyi ciapier znachodzicca kala 32 tys. siryjskich uciekačoŭ, jakija pakinuli krainu ŭ vyniku hramadzianskaha kanfliktu ŭ krainie.

Adnosiny pamiž Siryjaj i Turcyjaj surjozna abvastrylisia paśla taho, jak siryjskija vajennyja źbili turecki źniščalnik F-4 «Fantom» pablizu turecka-siryjskaj miažy.

Nieŭzabavie paśla hetaha Turcyja raźmiaściła ŭzdoŭž svajoj miažy zienitna-rakietnyja kompleksy ŭ jakaści miery ŭ adkaz.

Kamientary da artykuła