Alaksandr Hleb atrymaŭ prapanovu z Hiermanii
Hiendyrektar futbolnych «Kryłaŭ Savietaŭ» Dzianis Masłaŭ raspavioŭ pra niuansy, pavodle jakich biełaruski paŭabaronca Alaksandr Hleb bolš nie budzie hulać za samarskuju kamandu.
— U čym pryčyna taho, što «Kryły» nie atrymałasia padoŭžyć kantrakt z Alaksandram Hlebam?
— Vy niapravilna stavicie pytańnie. Alaksandr Hleb u pieršuju čarhu moj siabar, a potym užo futbalist. Pieršapačatkova my damaŭlalisia, što jon budzie hulać za naš kłub paŭhoda. Inšych damoŭlenaściaŭ nie było. Treba razumieć, što Alaksandr Hleb — heta imia, vialiki futbalist. U jaho vysokija ambicyi. Ni hrošy, ni materyjalnaje zabieśpiačeńnie nie majuć nijakaj roli. Saša choča praciahvać hulać na vyšejšym uzroŭni. Na žal, naš čempijanat na siońniašni dzień nie bundeśliha.
Saša atrymaŭ prapanovu ź Niamieččyny. Jon patelefanavaŭ mnie i skazaŭ, što choča praciahnuć karjeru tam. Ja viedaju kłub, u jakim budzie hulać Hleb. Ale abjaŭlać svajo rašeńnie Saša pavinien sam, — cytuje Masłava«KP-Samara» .
Nahadajem, raniej paviedamlałasia pra cikavaść da Hleba z boku BATE.