Šviedy sa Studio Total pačali pradavać torby z «miškami-desantnikami»

Zamović sabie takuju možna «ŭsiaho» za 18 dalaraŭ.

Razžycca torbaj možna na sajcie cafepress.com. Dyzajn raspracavany Studio Total, toj samaj, jakaja śćviardžaje, što praviała akcyju z bambardziroŭkaj Biełarusi cacačnymi miadźviedzikami.

Nahadajem, što lohki šviedski samalot marki Jodel ranicaj 4 lipienia pieralacieŭ praz litoŭska-biełaruskuju miažu i dalacieŭ da Minska, skinuŭšy tam niekalki socień cacačnych miadźviedzikaŭ, da jakich byli prymacavanyja cydułki z patrabavańniami svabody słova. Na advarotnym šlachu samalot pravioŭ takuju ž akcyju nad Iviancom. U toj ža dzień niekatoryja šviedskija ŚMI apublikavali fota i videa palotu.

Aficyjny Minsk dahetul abviarhaje fakt parušeńnia miažy, adnak KDB zaklučyŭ pad vartu fatohrafa Antona Surapina i ryełtara Siarhieja Bašarymava. Abodva prachodziać pa sparvie ab parušeńni dziaržaŭnaj miažy hrupaj asobaŭ. KDB chod rasśledavańnia nijak nie kamientuje.

Kamientary da artykuła