Čyž zaklučyŭ kantrakt z «Bašnaftaj» na 4,4 młrd dalaraŭ
«Trajpł» zaklučyŭ kantrakt z «Bašnaftaj» na ekspart naftapraduktaŭ.
Pa abjomach apieracyj naftavy biznes biełaruskaha aliharcha Juryja Čyža, jakomu naležyć «Trajpł», vychodzić na ŭzrovień najbujniejšych rasijskich naftatrejdaraŭ — Vitol, Glencore, Litasco, a taksama Somitekno.
Damova dziejničaje da 31 lipienia 2013 hoda i moža być padoŭžanaja na hod. Hetaja infarmacyja źmiaščajecca ŭ materyjałach kampanii «Bašnafta». Raniej adnym z klučavych partnioraŭ «Bašnafty» ŭ Biełarusi nazyvałasia kampanija «Junis ojł», jakaja ŭvachodzić u hrupu Anatola Tarnaŭskaha.
Kantrolny pakiet «Bašnafty» (61,29%) naležyć AFK «Sistema», hałoŭnym akcyjanieram jakoj źjaŭlajecca Uładzimir Jeŭtušenkaŭ. Asnoŭny aktyŭ rasijskaha aliharcha ŭ Biełarusi — heta
Adznačym, što druhim stratehičnym partnioram «Bašnafty» stała małaviadomaja da hetaha času kampanija Somitekno. Pavodle infarmacyi rasijskich ŚMI, jaje kantralujuć braty Bidziły. Jany, u svaju čarhu, u dobrych adnosinach synam byłoha prezidenta Baškartastana Urałam Rachimavym. Adzin z zaklučanych z hetaj kampanijaj kantraktaŭ (na pastaŭku naftapraduktaŭ) składaje 1,91 młrd dalaraŭ, druhi (na pastaŭku dyzpaliva) — 4,46 młrd dalaraŭ.