Hramadzianin Biełarusi paciarpieŭ u Krymie pry sutyknieńni katara i ciepłachoda — fota i videa
U vyniku zdareńnia adzin čałaviek zahinuŭ, 12 paciarpieli.
Hramadzianin Biełarusi paciarpieŭ 4 žniŭnia ŭ vyniku sutyknieńnia ŭ Čornym mory na ŭźbiarežžy Kryma katera «Sudak» i ciepłachoda «Čarnamorje».
Pavodle źviestak ŭkrainskich ŚMI, kater urezaŭsia ŭ ciepłachod ŭ razhar dnia, kali plaž byŭ zapoŭnieny adpačyvalnikami. Na vačach u turystaŭ sudna straciła kiravańnie i zakranuła vialiki prahułačny ciepłachod, jaki prapłyvaŭ niedaloka ad bieraha.
«Na miescy zdareńnia było ŭstanoŭlena, što padčas sutyknieńnia adzin čałaviek zahinuŭ i 12 byli traŭmavanyja. Ź ich špitalizavany ŭ balnicu horada Sudak šeść čałaviek. Dva čałavieki znachodziacca ŭ ciažkim stanie (hramadzianie Rasii) i čaćviora znachodziacca ŭ siarednim stanie ciažkaści (ź ich dvoje — hramadzianie Rasii, adzin — hramadzianin Biełarusi, adzin — hramadzianin Ukrainy)», — havorycca ŭ paviedamleńni MNS Ukrainy.