Trapičny štorm prynios razbureńni ŭ Viciebsk

4 žniŭnia na Viciebsk abrynulisia navalnica, hrad i ŭrahanny viecier.

Stychija valiła drevy i pierakulvała handlovyja pałatki.

Za dzień u abłasnym centry vypała 39 mm apadkaŭ, a chutkaść paryvaŭ vietru dasiahała 20 m/s. Pry hetym vilhotnaść pieravyšała 90%, a maksimalnaja zafiksavanaja tempieratura — 29,5 hradusaŭ Celsija.

Bolš za ŭsio dastałasia parku Pieramožcaŭ — niekalki dreŭ vyviernuła z koraniem, jašče bolš złamała. Pobač z vystavaj vajennaj techniki adzin ź vialikich sukoŭ zvaliŭsia pamiž dvuma namiotami, u jakich znachodzilisia pradaŭcy. Kala troch štykoŭ urahan pierakuliŭ tenty kaviarni, a bukiety ad viečnaha ahniu raskidaŭ pa ŭsioj płoščy Pieramohi.

Jak paviedamiŭ «Narodnym navinam Viciebska» adzin z čytačoŭ, na Maskoŭskim praśpiekcie dreva ŭpała na piacipaviarchovy dom. Tut, jak i ŭ šerahu inšych miescaŭ, pavalenyja drevy daviałosia prybirać padraździaleńniam MNS.

Kamientary da artykuła