Karł Bilt: Abvinavačvańni na bok Eryksana — hłupstva
Ministr zamiežnych spraŭ Šviecyi Karł Bilt nazvaŭ «hłupstvam» abvinavačańni, što prahučali ŭ adras šviedskaha pasła Stefana Eryksana ź biełaruskaha boku.
«Sapraŭdnaje hłupstva, — napisaŭ Bilt u „Tvitary“, kamientujučy siužet pra šviedskaha dypłamata, pakazany biełaruskim telekanałam ANT. — Biełaruskija dziaržaŭnyja miedyja zapuścili kampaniju paklopu na Šviecyju i našaha pasła».
Jak užo paviedamlałasia, kanał ANT abvinavaciŭ Stefana Eryksana ŭ padrychtoŭcy «arabskaj viasny» ŭ Biełarusi. «Jość infarmacyja, što ŭ 2010 hodzie Stefan Eryksan nieadnarazova asabista pieradavaŭ instrukcyi, hrošy radykalnym hrupoŭkam, ekstremistam, jakija rychtavali siłavuju akcyju suprać Biełarusi nakštałt «arabskaj viasny», — było zajaŭlena viečaram 3 žniŭnia.
U pieradačy taksama śćviardžałasia, što šviedskaja dypmisija ŭ Minsku była zamiešana ŭ kantrabandzie: «5 červienia 2012 hoda pravaachoŭnymi orhanami Biełarusi była spyniena sproba ŭvozu partyi litaratury nieviadomaha źmiestu ŭ bujnym abjomie bieź nieabchodnych supravadžalnych tłumačalnych dakumientaŭ. Paśla admovy dać dostup da hruzu aŭtamabil pasolstva Šviecyi vyjechaŭ na terytoryju Litvy. Pasoł Eryksan faktyčna pakryvaŭ kantrabandu».