Na amierykanskim Comedu Central TV žorstka paśmiajalisia z Łukašenki
Aŭtary siužetu žartujuć pra nastupstvy «miadźviedžaha desantu».
Amierykanski humarystyčny telekanał Comedy Central TV taksama raspavioŭ svaim hledačam pra Łukašenku. Aŭtary siužetu pasprabavali rastłumačyć apošnija kadravyja rašeńni Łukašenki i praanalizavać nastupstvy «miadźviedžaha desantu».
Pryčynu zdavałasia b nievytłumačalna žorstkaj reakcyi biełaruskaha kiraŭnika na niavinny žart šviedskich piłotaŭ aŭtary siužetu znajšli ŭ jaho dziacinstvie. «Naŭrad ci arhanizatary akcyi viedali pra chvaravity strach pierad plušavymi cackami. Jon ich panična baicca ad taho, što jašče ŭ dziacinstvie złaviŭ svajho lubimaha miadźviedzia na tym, što toj čytaŭ jaho pierapisku. Jašče tady jon vyrašyŭ aficyjna zabaranić plušavym cackam brać udzieł u vybarach i źbiracca na pikniki», - śćviardžajuć aŭtary siužetu.
Takim čynam, reakcyja Łukašenki na mišak całkam vytłumačalnaja.
«Nie vyklučajecca i surjoznaja reakcyja na «miadźviedžy desant», — ździekujecca telekanał. — Siarod mahčymych varyjantaŭ nazyvajuć vysadku desanta biełaruskich vajennych kłoŭnaŭ u Šviecyi».
Comedy Central TV — amierykanski kabielny telekanał. Śpiecyjalizujecca na pakazie humarystyčnych sieryjałaŭ (ułasnych abo nabytych). Kanał byŭ zasnavany ŭ 1989 hodzie. Z kanca 2006 hoda miascovyja viersii Comedy Central źjavilisia ŭ niekalkich jeŭrapiejskich krainach.
Videa siužetu dastupna tolki ŭ tych krainach, dzie viaščaje telekanał.