Dźmitryj Płatnicki vyjšaŭ u alimpijski finał u trajnym skačku

Biełaruski lohkaatlet Dźmitryj Płatnicki vyjšaŭ u finał spabornictvaŭ u trajnym skačku na Alimpijadzie ŭ Łondanie.

7 žniŭnia ŭ kvalifikacyi Płatnicki ŭ treciaj sprobie skočyŭ na 16 m 62 sm i prabiŭsia ŭ finał z 12-ha miesca. Lepšy vynik siarod usich finalistaŭ pakazaŭ amierykaniec Kryścijan Tejłar — 17 m 21 sm. Finał u trajnym skačku ŭ mužčyn projdzie viečaram 9 žniŭnia.

Taksama biełaruskija alimpijskija čempijony 2008 hoda braty Alaksandr i Andrej Bahdanovičy vyjšli ŭ finał alimpijskich spabornictvaŭ kanoe-dvojek na 1000 mietraŭ na Hulniach u Łondanie.

7 žniŭnia ŭ svaim papiarednim zajeździe Bahdanovičy finišavali trecimi z vynikam 3:42,599, u paŭfinale — druhimi z vynikam 3:36,540.

Finał kanoe-dvojek na 1000 m projdzie 9 žniŭnia ŭ 11.30 pa minskim časie.

Kamientary da artykuła