Joka Ona vystupiła ŭ padtrymku Pussy Riot

Udava frontmena The Beatles Džona Lenana śpiavačka Joka Ona vystupiła z zaklikam vyzvalić udzielnic skandalnaha pank-hurta Pussy Riot, jakija mohuć być pryciahnutyja da kryminalnaj adkaznaści za pierformans ŭ Chramie Chrysta Zbaŭcy ŭ Maskvie.

U svaim mikrabłohu Joka Ona źmiaściła retvit «Pank-rok — heta nie złačynstva! Svabodu Pussy Riot».

«Spadar Pucin, vy mudry čałaviek i vam nie treba zmahacca z muzykami i ich siabrami. Svabodu Pussy Riot, Pabieražycie miescy ŭ turmach dla sapraŭdy niebiaśpiečnych złačyncaŭ».

U kancy lutaha 2012 hoda piaciora dziaŭčat u strakataj vopratcy i maskach zajšli ŭ Chram Chrysta Zbaŭcy ŭ Maskvie i zładzili akcyju, jakuju jany sami nazvali «pank-malebnam». Sutnaść akcyi źviałasia da kalektyŭnaha vykanańnia pieśni i enierhičnaha tanca pad nazvaj «Pucina, Baharodzica, prahani». Paśla adkaznaść za toje, što adbyłosia, uziaŭ na siabie pank-hurt Pussy Riot

Pa fakcie zdareńnia palicyja raspačała kryminalnuju spravu pa artykule «Chulihanstva», u ramkach jakoha byli zatrymanyja try mierkavanyja ŭdzielnicy hurta — Nadzieja Tałakońnikava, Kaciaryna Samucevič i Maryja Alochina. Učora ŭ Chamoŭnickim sudzie Maskvy zaviaršylisia sprečki bakoŭ.

Praruror paprasiŭ try hady źniavoleńnia. Prysud budzie vyniesieny 17 žniŭnia.

U padtrymku udzielnic hurta taksama vystupili hrupy Red Hot Chili Pepers, Franz Ferdinand, śpiavačka Madonna, akcior Deni de Vita, Stynh, Piter Hebryeł dy inš.

Kamientary da artykuła