U Baranavičach pratestujuć rabočyja «DEU-3»
Jany byli niezadavolenyja nizkimi zarobkami.
Ad
Jak raspavioŭ adzin z pratestoŭcaŭ, zarobak u hetym miesiacy ŭ ich navat pamienšyŭsia:
«Raniej 2 miljony 400 tysiač atrymaŭ, a zaraz — 1 miljon 200. Ja kažu, što dachaty bajusia pakazvacca. Mianie žonka prahonić z chaty…U mianie zaraz dačka pavinna pastupać u instytut, a dzie hrošy brać? A išačyš, jak čorny voł… Łukašenka kaža, što atrymlivajem… Dy ŭ mianie babula ŭ try razy bolej piensii atrymlivaje».
Rabočyja hetaj arhanizacyi zajmajucca absłuhoŭvańniem baranavickaha ŭčastka šašy «M1» Brest — Maskva. Surazmoŭca kaža, što biełaruski ŭčastak hetaj darohi absłuhoŭvajuć 8 «DEU», jakija padparadkoŭvajucca RUP «Biełaŭtastrada».
Rabočy raspavioŭ, što takija zarobki va ŭsich hetych «DEU»: «Dajuć usim adnolkava hrošaj. I kali daviedajucca, što tut siońnia adbyvajecca, to padymucca ŭsie «DEU».
U vyniku pratestu da rabočych vyjšaŭ načalnik, jaki zaprapanavaŭ im viarnucca da pracy. Rabočy kaža, što načalnik paabiacaŭ, u paniadziełak paśla pracoŭnaha dnia arhanizavać sustreču pracoŭnych z pradstaŭnikami administracyi RUP «Biełaŭtador» i prafsajuza.
Rabočyja pahadzilisia na takuju prapanovu i paśla10-j hadziny ranicy vyjšli na pracu.