Žychary Pinska źbili łasia, paśla ich mašynu raźbiła fura
Zdareńnie adbyłosia na trasie M1.
Za niekalki chvilin para ź Pinska trapiła ŭ dva DTZ. Spačatku pierad ich aŭtamabilem vyskačyŭ łoś, i praduchilić sutyknieńnie nie ŭdałosia, a potym u Ford Transit urezałasia fura.
Žančyna paśpieła vyciahnuć muža z paškodžanaha aŭtamabila,paviedamiła načalnik adździaleńnia ahitacyi i prapahandy DAI Bresckaj vobłaści Natalla Sacharčuk. Usio adbyłosia na trasie M1.
Jak udakładnili ŭ DAI, pieršaja avaryja zdaryłasia kala 22:00 na terytoryi Ivacevickaha rajona.Za rulom aŭtamabila znachodziŭsia 37-hadovy mužčyna. Jon atrymaŭ davoli ciažkija traŭmy: u jaho tupaja traŭma žyvata, paškodžanyja ŭnutranyja orhany. Jaho žonka, jakaja jechała na pasažyrskim siadzieńni, praktyčna nie paciarpieła. Abodva jany byli pryšpilenyja ramianiami biaśpieki.
- Žančyna vyrašyła vyciahnuć muža z aŭtamabila, kab akazać pieršuju miedycynskuju dapamohu, pakłała na abočynu, - paviedamiła Natalla Sacharčuk. -
Litaralna ŭ nastupnuju chvilinu kala miesca zdareńnia prajazdžali dźvie fury: pieršy kiroŭca zmoh abjechać paškodžany Ford, u druhoha dalnabojnika ź Vienhryi zapasu času nie było, i jon začapiŭ lehkavik.