Pravaabaroncu Taćcianu Raviaka vyklikali ŭ KDB
«Dla apytańnia pa faktach, jakija majuć značeńnie dla nacyjanalnaj biaśpieki».
Pravaabaroncu Taćcianu Raviaka vyklikali ŭ Kamitet dziaržbiaśpieki, paviedamiŭjaje kaleha Valancin Stefanovič.
Pavodle jaho słoŭ, ranicaj 17 žniŭnia Taćcianie patelefanavali nieviadomyja, pradstavilisia supracoŭnikami KDB i pasprabavali zaprasić jaje «dla razmovy». «Taćciana skazała, što pojdzie tolki pa poźvie. U vyniku pozvu pryvieźli da doma, dzie znachodzicca kvatera, arandavanaja pad ofis pravaabarončaha centra «Viasna». Taćcianie prapanavana źjavicca ŭ KDB «dla apytańnia pa faktach, jakija majuć značeńnie dla nacyjanalnaj biaśpieki Respubliki Biełaruś». Pozva vypisanaja na 12 hadzin 17 žniŭnia», — paviedamiŭ Stefanovič.
Jon taksama adznačyŭ, što Raviaka pajechała zaklučać damovu z advakatam i maje namier prybyć u KDB na hety apytańnie. «Ja taksama na ŭsiaki vypadak padjedu da budynka KDB», — skazaŭ pravaabaronca.