Šef narviežskaj palicyi ŭ adstaŭcy — terakt Brejvika možna było praduchilić
Kamisar narviežskaj palicyi Ojstejn Mełand padaŭ u adstaŭku praz try dni paśla publikacyi dakłada ab terakcie Brejvika, padrychtavanaha ŭradavaj kamisijaj. Kamisija pryjšła da vysnovy, što palicyja dziejničała zanadta pavolna. Słužba nie zreahavała na telefanavańnie ź miesca pieršaha vybuchu, u jakim byŭ apisany złačynca. Miascovaja palicyja zapozna prybyła na vostraŭ Utoja, dzie zabivaŭ Brejvik. Akramia taho, u śpiecnaza nie było naležnych matorak. kab tudy dajechać. Taksama pryznajecca, što ŭradavyja budynki zasłaba achoŭvalisia.
Bolš za toje, Mižnarodnaje antyterarystyčnaje biuro pieradavała narviežskim śpiecsłužbam proźvišča Brejvika jak asoby, na jakuju varta źviarnuć uvahu, paśla taho jak jon zakupiŭ u Polščy značnuju kolkaść uhnajeńnia, ź jakoha možna vyrablać vybuchoŭku.
Na šefu palicyi niama naŭprostavaj viny za hetyja niedapracoŭki. Havorka idzie pra nieskaardynavanaść i niepadrychtavanaść słužbaŭ. Ale jon paličyŭ, što niasie maralnuju adkaznaść za stanovišča.