Najhoršaja praca ŭ Biełarusi — akumulatarščyk
«Najhoršaja» vakansija ŭ krainie na siońniašni dzień, kali vieryć infarmacyi ŭ bazie dadzienych Minpracy, — prapanova ad SMEU DAI UUS Homielskaha abłvykankama. Tut šukajuć akumulatarščyka na čverć staŭki i hatovyja płacić 113 tys. rubloŭ. Ad kandydata patrabujecca dośvied pracy.
Ale «hanarar» u $ 13,5 (zarobkam heta dakładna nie nazavieš) i ŭ takim vypadku vielmi nievialiki. Moža być, astatniaje patencyjny supracoŭnik dabiare za košt premii?Havorka nie ab poŭnaj zaniataści: vierahodna, pracadaŭca razhladaje svaju prapanovu ŭsiaho tolki jak pradastaŭleńnie mahčymaści «lohkaj» padpracoŭki dla śpiecyjalista.
A voś jakija jašče vakansii sa znakam «minus» prapanuje ministerski «bank»: u Hrodzienskaj vobłaści šukajuć sacyjalnaha rabotnika na 0,15 staŭki z zarpłataj u 260 tys. rubloŭ.Dla «Kinavideasietki» ŭ Łojevie patrabujecca videademanstratar. Płacić buduć prykładna stolki ž, praŭda, za čverć staŭki.
Adździeł kultury Čerykaŭskaha rajvykankama šukaje akampanijatara: 0,5 staŭki, zarpłata — 270 tys.Dezinfiektary, paštaljony, prybiralščyki — tradycyjna heta samyja nizkaapłatnyja prafiesii. Što tyčycca pracy na poŭnuju staŭku, to cełaj hrupie śpiecyjalistaŭ — pačynajučy ad strachavoha ahienta i zakančvajučy elektrazvarščykam — u rajonach krainy hatovyja płacić pa miljonu.
U pieraliku «topavych» vakansij na pieršych miescach bankaŭskija śpiecyjalnaści.ZAT «Delta Bank» patrabujecca dyrektar (vykanaŭčy dyrektar) na zarobak u 15,3 młn. «Biełahraprambank» šukaje načalnika ŭpraŭleńnia — jamu buduć płacić 14,7 młn. Niadrennyja hrošy načalniku siektara abiacaje STAA «Marozpradukt» — 15 młn.