Pad Kijevam trapiŭ u avaryju aŭtobus ź biełarusami, što viartalisia z Kryma

12 čałaviek atrymali traŭmy, u tym liku dvoje dziaciej.

Pasažyrski aŭtobus sutyknuŭsia ź piaćciu aŭtamabilami.

Zdareńnie adbyłosia ŭ Kijeŭskaj vobłaści na trasie Kijeŭ-Adesa. Traŭmy atrymali 12 hramadzian Biełarusi, u tym liku dva dziciaci. Jak paviedamlajuć ukrainskija ŚMI, try čałavieki špitalizavanyja, paviedamlaje Jeŭraradyjo

Aŭtobus viartaŭsia z Kryma ŭ Biełaruś. U jaho sałonie znachodzilisia 49 biełaruskich hramadzian.

* * *

Heta nie pieršaje DTZ z udziełam biełarusaŭ va Ukrainie.

Ranicaj 19 žniŭnia piaciora hramadzian Biełarusi trapili ŭ DTZ u rajonie Hałavanaŭska Kiravahradskaj vobłaści na aŭtadarozie Uljanaŭka — Mikałajeŭ.

U vyniku sutyknieńnia dvuch lehkavikoŭ adzin ź ich zahareŭsia. Paciarpiełyja ŭ avaryi biełaruskija hramadzianie z traŭmami roznych stupieniaŭ ciažkaści byli špitalizavany ŭ miascovuju balnicu.

21 lipienia ŭ Chiersonskaj vobłaści na 105-m km aŭtadarohi Simfieropal — Chierson aŭtobus ź Biełarusi sutyknuŭsia ŭłabavuju ź mikraaŭtobusam i pierakuliŭsia. U avaryi paciarpieli 43 biełarusy, jakija viartalisia z adpačynku ŭ Krymie.

11 žniŭnia ŭ Mikałajeŭskaj vobłaści 38-hadovy žychar Minskaj vobłaści, kiroŭca pasažyrskaha mikraaŭtobusa Ford Transit, pa nieviadomych pryčynach vyjechaŭ na pałasu sustrečnaha ruchu, dzie sutyknuŭsia z tryma lehkavymi aŭtamabilami. U DTZ paciarpieli troje biełarusaŭ, piaciora hramadzian Rasii i piaciora ŭkraincaŭ. Atrymali traŭmy roznych stupieniaŭ ciažkaści 13 čałaviek, ź ich 8 dziaciej ad troch da čatyrnaccaci hadoŭ.

Kamientary da artykuła