«Kandydata ad Fejsbuka» zarehistravali

Siońnia podpisy, sabranyja za Ihara Słučaka, prajšli pravierku.

Kaardynatar hramadzianskaj kampanii «Spravavodstva pa-biełarusku!» Ihar Słučak, jaki vyłučyŭsia kandydatam u deputaty pałaty pradstaŭnikoŭ nacyjanalnaha schodu pa Homielskaj Savieckaj vybarčaj akruzie № 34, zarehistravany. Sabranyja jaho inicyjatyŭnaj hrupaj podpisy siońnia prajšli pravierku. «U jaho było mienš za ŭsich „prablemnych“ podpisaŭ, jon pieramoh navat kandydataŭ ad ułady!» — pišuć u tym ža Fejsbuku jaho siabry.

Słučak u svajoj vybarčaj kampanii źbirajecca pa maksimumie zadziejničać sacyjalnyja sietki. Ich karystalniki vybrali i akruhu, pa jakoj jon vyłučajecca, i bolšaja častka inicyjatyŭnaj hrupy pryjšła da jaho praz Fejsbuk.

Na vybary Słučak idzie, kab «lehalna pahavaryć ab prablemie biełaruskaj movy, pakazać mahčymaść choć niejkaj treciaj siły, tamu što ludziam nadakučyli i praŭładnyja, i apazicyjnyja kandydaty ź ich niezrazumiełymi i niecikavymi kampanijami».

Kamientary da artykuła