Emiraty, Šry-Łanka, Ispanija — dzie adpačyli biełaruskija chakieisty? + foty
Siarhiej Kaścicyn ź dziaŭčynaj byli ŭ Ispanii
Siarhiej Kaścicyn (źleva) adpačyvaŭ u Ispanii.
Siarhiej Kaścicyn z žonkaj.
Mieziny pabyvali i ŭ Emiratach, i ŭ Francyi.
Žonka Andreja Miezina Anžeła.
Andrej Miezin z dačkoj.
Ihar Brykun adpačyvaŭ na Cejłonie.
Ihar Brykun adpačyvaŭ na Cejłonie.
Siarhiej Kaścicyn, biełaruski napadajučy «Nešviła», sioleta adpačyvaŭ u kurortnym miastečku bliz Barsiełony. Chakieista supravadžała šykoŭnaja błandzinka — dziaŭčyna Alena.
Darečy, heta siastra mietalista Alesia Taboliča, lidara hurtu Znich.
Cikava, što zorka NCHŁ naviedaŭ Ispaniju ŭpieršyniu. «Bolš za ŭsio spadabałasia Barsiełona. A tak — adpačynak jak adpačynak, lažyš na plažy, i ŭsio», — kaža Siarhiej.
Varatar «Niomana» Ihar Brykun z žonkaj Vieranikaj na tydzień źjeździŭ u Šry-Łanku. Dačušku Baženu (jakoj usiaho 11 miesiacaŭ), naturalna, u padarožža nie ŭziali. Jaje hladzieła ciešča chakieista.
«Spadabałasia dzikaja pryroda, akijan. Pryvieźli adtul čaj i mahniciki», — kaža Ihar.
Reštu adpačynku chakieist pravioŭ u Navapołacku, u baćkoŭ na dačy. Hulaŭ u futboł i… sumavaŭ pa chakiei.
«U Navapołacku šmat źbirajecca chakieistaŭ, paru razoŭ na tydzień hulajem u mini-futboł. Ale praz dva tydni adpačynku chočacca patreniravacca, vyjści na lod», — kaža spartoviec.
Pa-raniejšamu papularnym miescam adpačynku biełaruskich spartsmienaŭ zastajucca Abjadnanyja Arabskija Emiraty.Sioleta tam adpačyli chakieisty «Homiela» Alaksandr Žydkich i Michaił Stefanovič. «Uraziła vieža Burdž-Chalifa, samy vialiki budynak u śviecie», — kaža Alaksandr.
A były hałkipier minskaha «Dynama» Andrej Miezin, choć i zastaŭsia biez pracy — ź im kłub niadaŭna parvaŭ adnosiny, — a pabyvaŭ u niekalkich krainach. Tydzień u Emiratach. Zatym — Francyja, dzie naviedaŭ hulniu «Formuły-1». U Kijevie padčas «Jeŭra» chadziŭ na futboł. Paśla jašče dva tydni z žonkaj Anžalikaj i dačkoj Palinaj (joj try hady) adpačyvali ŭ Turcyi.