Ctaršynia Homielskaha harvykankama Viktar Pilipiec taki zvolnieny
Dva tydni tamu źjavilisia čutki pra zvalnieńnie Pilipca, ale tady byli abvierhnutyja.
Viktar Pilipiec vyzvaleny ad pasady staršyni Homielskaha haradskoha vykanaŭčaha kamiteta ŭ suviazi ź pierachodam na inšuju pracu.Adpaviednaje rasparadžeńnie padpisaŭ 27 žniŭnia staršynia Homielskaha abłvykankama Uładzimir Dvornik, paviedamlaje aficyjny sajt Homielskaha harvykankama.
Nahadajem, 6 žniŭnia biełaruski partał Tut.by paviedamiŭ pra aryšt Viktara Pilipca sa spasyłkaj na krynicu ŭ Homielskim harvykankamie. Vykazvalisia mierkavańni, što zatrymańnie čynoŭnika mahło być źviazanaje ź niadaŭnim aryštam Kamitetam dziaržbiaśpieki słužbovych asob upraŭleńnia kapitalnaha budaŭnictva (UKB) Homielskaha harvykankama. Čynoŭniki padazrajucca ŭ pieravyšeńni słužbovych paŭnamoctvaŭ — u tym, što raźmiarkoŭvali kvatery pa zanižanych cenach svaim svajakam i kaleham.
Adnak paźniej haradskija ŭłady abvierhli infarmacyju pra zatrymańnie, zajaviŭšy, što Pilipiec pačynaje vykanańnie svaich abaviazkaŭ 7 žniŭnia paśla zaviaršeńnia pracoŭnaha adpačynku.