Supracoŭniki KDB kanfiskavali kala 100 kh vybuchovaha rečyva

Bolš za 96 kh vybuchovaha rečyva kanfiskavana supracoŭnikami Upraŭleńnia KDB pa Hrodzienskaj vobłaści ŭ pryhraničnym z Polščaj rajonie ŭ chodzie apieratyŭna-vyšukovych mierapryjemstvaŭ, nakiravanych na niedapuščeńnie ŭciahvańnia ŭ niezakonny abarot srodkaŭ paražeńnia.

Ab hetym paviedamlaje pres-słužba UKDB pa Hrodzienskaj vobłaści.

Infarmacyju pra tajnik z płastykavaj uzryŭčatkaj supracoŭniki antyterarystyčnaha padraździaleńnia KDB atrymali ad miascovych žycharoŭ u ramkach śpiecyjalnych kompleksnych mierapryjemstvaŭ «Arsienał».

«Pry praviercy źviestki paćvierdzilisia. U pahraničnaj zonie za 4 km ad biełaruska-polskaj miažy ŭ lasnym masivie na terytoryi Adelskaha sielsavieta Hrodzienskaha rajona znojdzieny zamaskiravany tajnik z vybuchovym rečyvam, — havorycca ŭ paviedamleńni UKDB. — Ciapier supracoŭnikami KDB pravodziacca nieadkładnyja śledčyja dziejańni i apieratyŭna-vyšukovyja mierapryjemstvy, nakiravanyja na ŭstanaŭleńnie asob, jakija majuć dačynieńnie da abstalavańnia niebiaśpiečnaha tajnika».

Pry hetym adznačajecca, što pravaachoŭnym orhanam hety ŭčastak miascovaści viadomy z pryčyny nieadnarazovaha spynieńnia sprob niezakonnaha pierasiačeńnia dziaržaŭnaj miažy nielehalnymi mihrantami. U suviazi z hetym, paviedamlaje KDB, «śledstvam nie vyklučajecca viersija składziravańnia vybuchovych rečyvaŭ dla nielehalnaj pierapraŭki ŭ krainy Jeŭrasajuza».

Vybuchoŭka «źniščana šlacham utylizacyi», udakładniaje pres-słužba viedamstva.

Kamientary da artykuła