Prysud da aktyvista z Uručča pakinuli ŭ sile
Sud Pieršamajskaha rajona Minska 30 žniŭnia paŭtorna razhledzieŭ i pakinuŭ u sile pryhavor u dačynieńni da Leanida Mažalskaha, jaki vystupaje suprać uščylnieńnia zabudovy ŭ mikrarajoniepaviedamiŭ paplečnik i hramadski aktyvist Mažalskoha Viktar Jančurevič.Uručča-2 ,
Jak paviedamlałasia raniej, Minski haradski sud 3 žniŭnia razhledzieŭ kasacyjnuju skarhu na rašeńnie suda Pieršamajskaha rajona i pastanaviŭ pierahledzieć jaho znoŭ u rajonnym sudzie. 18 lipienia
Mažalski byŭ abvinavačany na padstavie artykułaŭ 17.1 (drobnaje chulihanstva), 23.4 (niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni jeju słužbovych paŭnamoctvaŭ) i 23.34 (parušeńnie paradku arhanizacyi ci praviadzieńnia masavaha mierapryjemstva abo pikietavańnia) Kodeksa ab administracyjnych pravaparušeńniach.Pa pieršym artykule jon asudžany na dvoje sutak administracyjnaha aryštu, pa druhim — pryhavorany da štrafu ŭ 20 bazavych vieličyń (2 młn. rubloŭ), pa trecim — asudžany na troje sutak aryštu.
17 lipienia ŭ sudzie supracoŭniki budaŭničaj arhanizacyi, jakija buduć uzvodzić dva damy ŭ skviery na skryžavańni vulic Šuhajeva i Rusijanava, zaznačyli, što Mažalski 4 lipienia pieraškadžaŭ praviadzieńniu budaŭničych rabot,paŭstavaŭ pierad technikaj, pieraškadžaŭ razhruzcy aharodžy. Jany śćviardžali, što pakazali Mažalskamu i inšym ludziam, jakija znachodzilisia na abjekcie, dakumienty na dazvoł budaŭnictva. Jany abvinavacili Mažalskaha ŭ tym, što jon abražaŭ rabočych, nazyvajučy ich «fašystami i katami».
Pakazańni taksama dali supracoŭniki UUS Pieršamajskaha rajona. Pavodle ich słoŭ, 5 lipienia da ich pastupiła zajava ad adnaho z pradstaŭnikoŭ budaŭničaj arhanizacyi ab tym, što Mažalski ich abraziŭ i pieraškadžaŭ pracy. U hety ž dzień supracoŭniki milicyi prapanavali Mažalskamu prajści ŭ adździeł milicyi dla rastłumačeńniaŭ. Adnak, pavodle ich słoŭ, jon admoviŭsia heta zrabić, spasyłajučysia na toje, što jamu nie pryjšła pozva. U Mažalskaha zdaryŭsia hipiertaničny kryz, i na «chutkaj» jon byŭ dastaŭleny ŭ balnicu, dzie jamu akazali dapamohu.
Śviedki abarony zajavili, što Mažalski nie pieraškadžaŭ pracy techniki i budaŭnikoŭ, nikoha nie abražaŭ i nie supraciviŭsia rabotnikam milicyi. Jany taksama raskazali, što 5 lipienia byŭ nie mitynh, a schod členaŭ budaŭničaha kaapieratyva, na jakim abmiarkoŭvałasia pytańnie dalejšaha losu skviera, u jakim ułady płanujuć budaŭnictva dvuch damoŭ.
Pavodle słoŭ Jančureviča, Mažalski maje namier jašče raz padać kasacyjnuju skarhu na rašeńnie rajonnaha suda ŭ Minski haradski sud. Na dumku Jančureviča, «rašeńnie sudździ zakanamiernaje, bo raniej rašeńnie było pryniata namieśnikam staršyni suda. Inšaje pastaviła b pad sumnieńnie jaho prafiesijanalizm u vačach kiraŭnictva».