U Smarhoni akcyja pamiaci Łapickaha — zatrymali žycharoŭ i mastakoŭ + fota

abnoŭlena ŭ 22:06

Mastaki prajšlisia z karcinami pa vulicach horada. Noč jany praviaduć u pastarunku. U paniadziełak — sud.

Ranicaj 2 vieraśnia ŭ Smarhoni byli adznačanyja čarhovyja ŭhodki z dnia naradžeńnia kiraŭnika Smarhonska-Vilejskaha niezaležnickaha padpolla Raścisłava Łapickaha (1928–1950), rasstralanaha ŭ 1950 h.

Mastak sa Smarhoni Valancin Varanišča, junak Uładzimir Šulžycki razam ź siabrami supołki «Pahonia» Biełaruskaha sajuza mastakoŭ Hienadziem Drazdovym, Alesiem Cyrkunovym i Alesiem Puškinym naviedali pravasłaŭny chram, dzie byli aśviačanyja čatyry namalavanyja Puškinym partrety Łapickaha i byŭ zamoŭleny malebien u pamiać ab biaźvinna zabitym junaku.

Paśla z aśviačanymi karcinami jany prajšli da pomnika Francišku Bahuševiču u haradskim parku, dzie vystavili karciny.

Akcyi vyklikała niervoznaść supracoŭnikaŭ Smarhonskaha RAUS. Nazirali dźvie asoby ŭ cyvilnym, potym padyšli dva supracoŭniki ŭ formie. Pieramovilisia z udzielnikam, ale akcyju nie spynili.

Udzielniki žałobnaj akcyi prastajali tam kala paŭhadziny i rušyli z karcinami ŭ bok doma Valancina Varaniščy, adnačasova razdajučy buklety ab Łapickim. Mietraŭ praz 300 udzielnikaŭ zatrymali supracoŭniki RAUS.

Noč zatrymanyja praviaduć u pastarunku, u paniadziełak -- sud. Mastakoŭ vinavaciać u niesankcyjanavanaj akcyi.

Kamientary da artykuła