Fantastyčny vynik: Ihar Bokij zavajavaŭ čaćviorty załaty miedal Paralimpijady
Biełaruski płyviec Ihar Bokij zavajavaŭ svajo čaćviortaje zołata na łondanskich Paralimpijskich hulniach. Hetym razam biełarusu nie było roŭnych na dystancyi 400 m volnym stylem.
Pry hetym jon znoŭ dvojčy za dzień abnaviŭ suśvietny rekord. U papiarednim zapłyvie jon pakazaŭ vynik 4:02,83, a ŭ finale bolš čym na 4 siekundy palepšyŭ svajo ž dasiahnieńnie — 3:58,78.
Najbližejšy kankurent Daniła Čufaraŭ z Ukrainy adstaŭ adrazu na 7,07 siek. (4:05,85). Bronzu zavajavaŭ rasijanin Alaksandr Halintoŭski (4:11,13).
Ihar Bokij na Paralimpijadzie zavajavaŭ piać miedaloŭ — čatyry zołata 100 m na śpinie, 100 m krolem, 100 mietraŭ baterflajem, siońnia 400 m volnym stylem, a taksama srebra na dystancyi 50 m krolem.
Iharu — 18 hadoŭ, jon žyvie ŭ Babrujsku, u jaho prablemy sa zrokam.