Adnaviłasia praca supołki «Nadakučyŭ nam hety Łukašenka»
Administratar staronki Aleh Šramuk uciok z krainy.
Učora ŭviečara kiraŭnictva sacyjalnaj sietki «Ukantakcie» viarnuła administrataram kiravańnie supołkaj «Nadakučyŭ nam hety Łukašenka», pra heta nam paviedamiŭ Maksim Čarniaŭski.
30 žniŭnia adbyŭsia nalot na administrataraŭ supołki. Pavieł Jeŭcichijeieŭ atrymaŭ 5 sutak aryštu, a Andrej Tkačoŭ — 7. Ramana Pratasieviča bili, ale adpuścili, bo niepaŭnaletni. Siarhiej Biaspały ŭciok praz Rasiju ŭ Polšču.Parol atrymałasia vybić u viciebskaha administratara Aleha Šramuka. Spačatku supołku prosta vydalili. Ale praź niekatory čas atrymałasia adnavić kiravańnie. Administratary supołki zajavili pra pieramohu, adnak rana radavalisia.
3 vieraśnia śpiecsłužby znoŭ zavałodali akaŭntam. Ad imia Aleha Šramuka na staroncy źmiaščalisia paklopnickija materyjały suprać inšych administrataraŭ. Ciapier kiraŭnictva supołki ŭpeŭniena: «KDB nie projdzie. Dziakujem usich čytačoŭ za vieru ŭ nas».
Stała viadoma, što Aleh Šramuk zmoh źjechać z krainy, choć u jaho i zabrali pašpart. Ciapier jon prosić administracyju sacyjalnaj sietki vydalić jahonuju staronku «Ukantakcie», bo joj karystajucca śpiecsłužby.