Budaŭnictva raźviazki na skryžavańni Taškienckaj i MKAD adkłali da 2014 hoda
Raźviazka takoha kštałtu kaštuje biudžetu kala 300 miljardaŭ rubloŭ.
Da budaŭnictva dvuchuzroŭnievaj raźviazki na skryžavańni vulicy Taškienckaj i Minskaj kalcavoj aŭtadarohi (MKAD) płanujecca prystupić paśla 2014 hoda.
Dyrektar UP «Minskhrada» Leanid Dobyš adznačyŭ, što padobnyja abjekty składanyja ŭ vykanańni i darahija.
Kožny ź ich abychodzicca biudžetu prykładna ŭ 300 miljardaŭ rubloŭ.Z namiečanych da budaŭnictva da 2020 hoda 22 šmatuzroŭnievych raźviazak da 2014 hoda źjaviacca 5. Try ź ich užo ŭźviedzienyja — na vulicy Kalvaryjskaj, na skryžavańni vulic Majakoŭskaha i Dzianisaŭskaj, a taksama praśpiektaŭ Dziaržynskaha i Žukava. Jašče dva puciepravody na skryžavańni praśpiekta Dziaržynskaha z vulicaj Alibiehava, vulic Cimirazieva i Arłoŭskaj znachodziacca ŭ pracesie budaŭnictva.