Palavańnie na arhanizataraŭ bajkotu praciahvajecca: zatrymany Alaksandr Arcybašaŭ
7 vieraśnia kala 16:30 kala padjezda svajho doma adbyłosia zatrymańnie aktyvista moładzievaha kryła «Zmiena» kampanii «Havary praŭdu!» Alaksandra Arcybašava.
Pra heta paviedamiŭ u sacyjalnaj sietcy Facebook jaho siabar Alaksandr Barazienka.
Zaraz Arcybašava viazuć u Kastryčnicki RUUS Minska. Nahadajem, što siońnia ranicaj byŭ zatrymany i lidar «Zmieny» Pavał Vinahradaŭ, jakoha zaraz sudziać u sudzie Maskoŭskaha rajona.
5 vieraśnia byŭ zatrymany i na nastupny dzień asudžany na 7 sutak Jahor Viniacki; a ŭčora na ofisie «Havary praŭdu!» prajšoŭ pieratrus.