Łukašenka pavinšavaŭ Kim Čen Yna z Dniom utvareńnia KNDR
Ad imia biełaruskaha naroda i ad siabie.
Alaksandr Łukašenka ad imia biełaruskaha naroda i siabie asabista pavinšavaŭ pieršaha staršyniu Dziaržaŭnaha kamiteta abarony KNDR Kim Čen Yna i narod hetaj krainy z Dniom utvareńnia Karejskaj Narodna-Demakratyčnaj Respubliki, paviedamlaje BiełaPAN.
KNDR ŭtvorana 9 vieraśnia 1948 hoda jak narodna-demakratyčnaja dziaržava, paśla abviaščeńnia Respubliki Kareja 15 žniŭnia 1948. Aficyjnaj ideałohijaj dziaržavy źjaŭlajucca idei čučchie, jakuju jaje stvaralniki -- Kim Ir Sen i Kim Čen Ir -- vyznačyli jak "fiłasofskuju ideałohiju, u fokusie ŭvahi jakoj staić čałaviek". Ŭłada naležyć Pracoŭnaj partyi Karei na čale ź pieršym sakratarom CK Kim Čen Ynam.
Paŭnočnakarejski režym ličycca adnym z samych represiŭnych u śviecie.