Akcyja «Pavinšuj Bialackaha z Dniom narodzinaŭ!» startavała ŭ Homieli
10 vieraśnia homielskija pravaabaroncy Anatol Papłaŭny i Leanid Sudalenka raspačali akcyju, pryśviečanuju Dniu narodzinaŭ pravaabaroncy Alesia Bialackaha, jakomu 25 vieraśnia spoŭnicca 50 hadoŭ.
Bolš hoda, ad 4 žniŭnia 2011 h. Aleś Bialacki znachodzicca za kratami.
Napisać paštoŭku albo list Alesiu Bialackamu možna pa nastupnym adrasie: 213807, Mahiloŭskaja vobł., h. Babrujsk, vuł. Sikorskaha, 1, Vypraŭlenčaja kałonija № 2, atrad № 14.
- 24 listapada 2011 hoda sud Pieršamajskaha rajona Minska pryznaŭ Bialackaha vinavatym va ŭtojvańni dachodaŭ u asabliva bujnym pamiery i pryhavaryŭ jaho da čatyroch z pałovaj hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści. Padstavaj dla kryminalnaha pieraśledu pravaabaroncy stała najaŭnaść u jaho rachunkaŭ u bankach Litvy i Polščy. Sud nie pryniaŭ da ŭvahi, što hetyja hrošy vykarystoŭvalisia dla pravaabarončaj dziejnaści.