Eŭrapiejcy prymiryli apazycyju
Lidery apazycyi pryjšli da kampramisu ŭ spravie Kanhresu demakratyčnych siłaŭ.
U časie kanferencyi «Pazytyŭnaja alternatyva dla Biełarusi j jaje hramadzianaŭ», jakaja prachodzić u Vilni pad ehidaj Rady Eŭropy, lidery apazycyi pryjšli da kampramisu ŭ spravie Kanhresu demakratyčnych siłaŭ.
Vyrašana pravieści Kanhres demakratyčnych siłaŭ da kanca viasny. Skład delehataŭ Kanhresu budzie pašyrany za košt delehataŭ pieršaha Kanhresu i viadomych asobaŭ. Paŭnamoctvy delehataŭ, abranych šlacham zboru podpisaŭ, buduć pravieranyja specyjalnaj kamisijaj.
Kanhresu buduć papiaredničać siem rehijanalnych schodaŭ. Na razhlad tych schodaŭ buduć prapanavanyja pytańni, jakija nie zmahła vyrašyć pahadžalnaja kamisija. Rašeńni hetych schodaŭ buduć abaviazkovymi dla ŭsich. U kožnym ź ich buduć udzielničać 100—150 čałaviek. Kali na čatyroch ź siami schodaŭ balšynia vyrašyć abrać novaha lidera (na hetym nastojvaje Milinkievič), rašeńnie budzie vykananaje.