U Hruzii tysiačy ludziej vyjšli na vulicy, kali niezaležnaje TV pakazała zapisy katavańniaŭ i zhvałtavańniaŭ u turmie

Saakašvili paabiacaŭ pakarać vinavatych.

Niezaležnyja telekanały «Maestra» i «TV-9» dali ŭ efir šakujučyja videazapisy zhvałtavańniaŭ i źbivańniaŭ źniavolenych Hłdanskoj turmy ŭ Tbilisi. U vyniku akcyi pratestu adbylisia ŭ Tbilisi, Batumi, Poci i Hory. «Heta spantannaja akcyja, tut sabralisia tyja, chto ŭbačyŭ ŭvieś hety žach i hvałt na teleekranach», — skazaŭ «Bi-bi-si» adzin z udzielnikaŭ akcyi.

Na kadrach vidać, jak achoŭniki Hłdanskoj turmy hvałciać źniavolenych humovymi dubinkami. Na druhim videazapisie 20 achoŭnikaŭ pa čarzie źbivajuć źniavolenych rukami i nahami.

Hetyja kadry byli pieradadzieny telekanałam byłym supracoŭnikam Hłdanskoj turmy Uładzimiram Biedukadze, jaki ciapier znachodzicca ŭ vyšuku. U intervju «TV-9» jon zajaviŭ, što katavańni źniavolenych pravodzilisia niepasredna pa zahadzie ministra ŭnutranych spravaŭ Hruzii Bačy Achałaja i ab hetych katavańniach, jakija, pa jaho słovach, zdarajucca i ŭ inšych turmach, viedała ministarka Hruzii pa vykanańni pakarańniaŭ Chatuna Kałmachielidze.

Michaił Saakašvili ŭ noč na sieradu zrabiŭ admysłovuju zajavu ŭ suviazi z vyjaŭlenymi faktami katavańniaŭ u turmie: «Toje, što zdaryłasia ŭ Hłdanskoj turmie, źjaŭlajecca aburalnym aktam, nakiravanym suprać hodnaści i pravoŭ čałavieka. Usie, chto heta arhanizavaŭ i ažyćciaviŭ, chto heta dapuściŭ, zasłuhoŭvajuć samaha surovaha pakarańnia i ŭsie jany paniasuć heta pakarańnie», — havorycca ŭ zajavie.

U Hruzii isnujuć niezaležnyja telekanały, radyjostancyja i presa, a publičnyja dyskusii majuć ahulnanacyjanalny charaktar.

Kamientary da artykuła