Niejmavierny BATE! Barysaŭcy vyjhrali ŭ haściach u «Lila» 3:1

dadaŭsia videaahlad matča

Heta pieršaja pieramoha BATE ŭ hrupavych etapach Lihi čempijonaŭ.

Alaksandr Vaładźko stralaje redka, zatoje jak!

Takoha pačatku ŭ Lizie čempijonaŭ ad biełaruskaha čempijona nie čakali, vidać, samyja vialikija aptymisty i prychilniki kłuba.

Užo ŭ samym pačatku haściavoj sustrečy z francuzskim «Lilem» uspomniŭ pra svaju «harmatu» Alaksandr Vaładźko. Apornik BATE pryznavaŭsia, što stralaje redka, zatoje jak! Jahonym udaram na 6-j chvilinie možna lubavacca biaskonca. Nastolki dobra miač loh na nahu i trapiŭ dziaviatku «paŭnočnych dohaŭ» (tak nazyvajuć «Lil»).

19.09.2012 Liłl - BATE from stanyuk on Vimeo.

Zdavałasia, paśla takoha žvavaha pačatku našy adyduć nazad. Tak, «Lil» pravioŭ niekalki atak, ale niejak biazzuba. Zatoje ŭ centry pola BATE byŭ Alaksandr Hleb. Mienavita naša zorka pačała ataku, ź jakoj zabivaŭsia druhi hoł.

BATE vyjšli ŭ ataku «try na try». Hleb addaŭ Paŭłavu, a toj — Radzivonavu. Afsajd byŭ u hety momant, ale sudździa nie zaŭvažyŭ — 0:2.

A na 43-jaj chvilinie Edhar Alachnovič pieradaŭ jašče adno pryvitańnie Mikaelu Łandro. Pryčym hety hoł barysaŭcaŭ uvohule byŭ zabity vielmi prosta, pry poŭnaj adsutnaści abarony francuzaŭ.

Na 60-aj chvilinie «Lil» paśla padačy vuhłavoha zmoh adzin hoł adyhrać. Prapichnuć miač u varoty Harbunova atrymałasia kamieruncu Areljenu Šedžu — 1:3. Tryvožna stała na sercy.

Zdavałasia b, takija nadziejnyja ličby pieršaha tajmu zrobiać druhuju pałovu lohkaj prahułkaj. Dzie tam! «Lil» dakazaŭ, što nie vypadkova taksama hulaje ŭ hrupavym etapie Lihi čempijonaŭ.

Barysaŭski atrad na čale z Harbunovym hieraična (inšaha słova tut nie padabrać) adbivaŭsia

Zrešty, redki vyłazki ŭ zonu supiernika ŭsio ž zdaralisia. Navat Hleb advažyŭsia na ŭdar (!), ale pramachnuŭsia.

«Lil» vidavočna niedaacaniŭ BATE, za što i papłaciŭsia. Pieršy tajm u vykanańni kamandy Viktara Hančarenki byŭ pakazalnym. Tak by i z «Bavaryjaj» 2 kastryčnika ŭ Minsku.

* * *

U druhim matčy ŭ našaj hrupie «Bavaryja» pieramahła «Valensiju» — 2:1.

Kamientary da artykuła