Prahnoz ad Jarmošynaj: u pieršym tury budzie «abrana» minimum 99 sa 110 deputataŭ
«Jaŭka pa krainie składzie 70%, a ŭ Minsku — krychu bolš za 50%».
Staršynia Centrvybarkama Biełarusi Lidzija Jarmošyna čakaje, što ŭ pieršym tury parłamienckich vybaraŭ, jakija adbuducca ŭ niadzielu, budzie abrana 90% deputataŭ.«Ja dumaju, što parłamient nie mienš čym na 90% budzie sfarmavany ŭžo ŭ pieršym tury», — skazała Jarmošyna ŭ intervju RIA «Naviny». Nahadajem, što 90% parłamienta — 99 deputataŭ.
Jarmošyna zrabiła prahnoz i nakont jaŭki vybarcaŭ.
«Ja dumaju, u lubym vypadku, jaŭka pa krainie budzie nie mienš za 70%. Nu, moža być, u Minsku krychu bolš za 50%.Ale, u lubym vypadku, usiudy vybary adbuducca», — skazała jana.
Nahadajem, što ŭ ŚMI apublikavany dziasiatki śviedčańniaŭ ab prymusie da hałasavańnia studentaŭ, vajskoŭcaŭ, rabočych, vychavacielaŭ. Pryčym ich zmušali hałasavać daterminova — što daje padstavy padazravać falsifikacyi jak ź jaŭkaj, tak i ź biuleteniami.