Apple zrabiŭ z aeraporta ŭ Vilni «viasiołyja horki» — fotafakt
Rašeńnie Apple pierajści ŭ novaj apieracyjnaj sistemie iOS 6 ad kart Google da kart Apple užo zaviecca samaj vialikaj niaŭdačaj kampanii i vyklikała chvalu naśmiešak pa ŭsim śviecie.
Siarod pabačanych niespadzievak nazyvajucca nastupnyja: naprykład, na kartach užo vyrašana pytańnie ab sprečnych vyspach pamiž Japonijaj i Kitajem, taksama niaredka mianiajucca miescami harady i litaralna na paŭdarohi spyniajucca reki.
Niamała prablem uźnikaje i z trochmiernym malunkam tych ci inšych miascovaściaŭ.Tak, naprykład, kali vieryć Apple, uźlotnaja pałasa Vilenskaha aeraporta chutčej nahadvaje «viasiołyja horki», pryziamlacca na jakija dla piłotaŭ naŭrad ci było b viasiołym atrakcyjonam.